Kryeministri Edi Rama, gjatë prezantimit të Strategjisë për Zhvillimin e Turizmit, lëshoi akuza të forta ndaj qytetarëve shqiptarë nga Shqipëria, Kosova dhe Maqedonia e Veriut, të cilët i quajti “shqipfolës ndotës”. Sipas tij, pikërisht ata që shfaqen si turistë vendas, bëjnë selfie duke lavdëruar Shqipërinë, por njëkohësisht ndotin mjedisin, nga pikat panoramike e deri te plazhet, ndërsa në stadiume shfaqen si tifozët më problematikë.
Komentet fyese ndaj shqiptarëve Rama i ka bërë gjatë një takimi për turizmin ku është munduar të fshehë dështimin e shtetit dhe duke gjetur fajtorë pikërisht ata që ia mbajnë gjallë turizmin, shqiptarët e Kosovës, Maqedosnisë dhe trojeve tjera shqiptare.
Rama nuk ka lënë pa i qarë hallin as ‘vëllezërve’ serbë teksa i ka pozicionuar si viktima të tifozëve shqiptarë që vijnë në stadium për të mbështetur kombëtaren dhe flamurin e tyre.
“Turistë jo anglisht, spanjisht, frëngjisht, italisht folës por shqip folës, nga Shqipëria, nga Kosova, nga Maqedonia e Veriut. Shqipe që mblidhen për të shijuar bukuritë dhe për të shijuar pushimet që ndalojnë dhe në pikat turistike panoramike, bëjnë dhe selfie ‘oh sa e mirë je ti moj Shqipëria ime’ dhe në të njëjtën kohë shkarkojnë plehrat nga veturat e tyre.
Dhe po të shikosh pikat panoramike, po të shikosh pikat ku është e mundur të ndalohet janë dhe pikat ku ka grumbullimet më të mëdha të plehrave të përdorimit personal që hidhen
Dhe jam i bindur që ndotësit më të mëdhenj janë ulëritësit më të mëdhenj të stadiumit kombëtar, jam i bindur që ndotësit më të mëdhenj janë ta që thyejnë karriget në stadium dhe që synojnë t’i kthejnë në luftëra ndeshjet kur ato qëllon që të jenë me Serbinë apo me ndonjë tjetër që këta janë gati ta luftojnë në stadium. Ndërkohë këta janë ndotës të Shqipërisë kur vjen puna tek qëndrimi në plazh”,-tha Rama.
Discussion about this post