Ditën e djeshme kryeministri Edi Rama ka bërë një sërë kritikash ndaj SPAK. Ndërsa i ka kërkuar të merren me Metën e Berishën. Në lidhje me këtë deklaratë ka reaguar sot nënkryetari i LSI, Petrit Vasili, përmes një postimi në Facebook. Sipas tij, Rama po godet drejtësinë e tij, për të përndjekur kundërshtarët. Vasili thekson se kjo është një metodë që përdor Rama, në mënyrë që të ngacmojë pa ligj dhe të cenojë kundërshtarët.
“Rama kundër “drejtësisë” së Ramës!? Histeria e sulmit të Ramës ndaj drejtësisë së tij është vërtet qesharake, por edhe domethënëse. Cilën drejtësi sulmon Rama?Atë drejtësi që ngriti vetë, që e përzgjodhi vetë, që u krenua vetë dhe që e kapi po vete. Rama që fliste për drejtësinë dhe kur inauguronte kanalet e urave të zeza, sot bën sikur qahet kundër saj.
Pra, ky Rama lëvdonte fort edhe SPAK-un, me ulërima frenetike, ndërkohë që SPAK vetëm po mbyllte dhjetëra çështje që akuzonin Ramën dhe qeverinë. Po sot çfarë halli e ka mbërthyer kaq fort për gryke që qahet dhe i bën presion SPAK-ut, një SPAK-u që realisht është shumë larg zbardhjes së të vërtetave të rënda të korrupsionit të Ramës dhe qeverisë e që funksionon me regji.
Është shumë e qartë, drejtësia që do Edi Rama dhe të tijtë është vetëm një: ajo që përndjek pa ligj dhe pa të drejtë kundërshtarët dhe një drejtësi të kapur për vete, që nuk i trazon dhe nuk ua prish korrupsionin, hesapet dhe trafiqet”, tha ai.
Kujtojmë se nga kjo deklaratë e Ramës ka reaguar dje vetë SPAK, si dhe shumë politikanë të tjerë nga opozita.
Discussion about this post