Kryeministri Edi Rama nuk i ka kursyer batutat gjatë një vizite të bërë ditën e sotme në Kamëz. Kreu i qeverisë, ka qenë në dy familje dibrane dhe kuksiane që kanë përfituar nga skema e rindërtimit të banesave për shkak të dëmeve nga tërmeti.
Gjatë bisedës me familjarët, Rama deklaroi se PS do i shkojë punëve deri në fund, pasi për të nuk ka rëndësi për kë votojnë.
“Erdha se nuk e besonit. Gratë më besojnë mua. Nuk më besojnë burrat. E di pse më besojnë gratë se e dinë se çfarë është puna. Nuk bëhen gjërat kollaj. Kurse burrat i dinë kollaj gjërat. Detyrën kemi bërë ne dhe do ta bëjnë deri në fund.
Ne e fituam mandatin e tretë. Këtu në Kamëz prapë duan të luftojnë komunizmin por prapë ne do ia bëjmë të gjitha nuk ka rëndësi për kë votojnë”, deklaroi Rama.
