Protesta e thirrur nga Partia Demokratike për ditën e nesërme ka vendosur në lëvizje kryeministrin e cila është blinduar.
Por deputeti demokrat Belind Këlliçi i ftuar në Rtv Ora i konsideroi të panevojshme masat e marra, duke paralajmëruar një protestë qytetare dhe paqësore.
“ Shyqyr ka hequr kërpudhën Edi Rama se e ka merak. Por protesta do të jetë paqësore. Nuk ka nevojë ti blindojë. Nesër ne kemi ftuar qytetarët të vijnë në shesh për të protestuar për arsyet ekonomike që kanë, i kemi ftuar me fëmijët e tyre, me karroca me fëmijë, me prindërit, me të moshuarit vëllezër e motra. Nesër është një ritakim i qytetarëve me sheshin e protestës, me opozitën. Nesër është pikënisja e sezonit të ri të protestave të udhëhequra nga opozita. Opozita rikthehet në misionin e saj, në të bërit opozitë dhe përfaqësimin e qytetarëve. Kjo protestë është thirrur nga PD por është një ftesë për gjithë qytetarët shqiptarë për të ardhur për tu bashkuar. Dita e nesërme është një sfidë për PD, për të fituar besimin dhe zemrat e qytetarëve. Një ftesë për qytetarët për të rinisur një rrugëtim sëbashku që padiskutim ka si qëllim politik largimin e Edi Ramës”, është shprehur deputeti.
Protesta e opozitës nis nesër në orën 19:00 para Kryeministrisë dhe është lajmëruar se do të mbyllet në 21:00.
Discussion about this post