Mbërritja në aeroportin e Beogradit dhe pritja e veçantë që i bëri ministri i Jashtëm serb kryeministrit Rama, nuk e ka favorizuar moti, pasi binte shi.
Për këtë i është dashur që të mbante një çadër e cila kishte një detaj që bie në sy është shkrimi në çadrën e Ramës. Në çadër është logoja e me emrin e kompanisë farmaceutike “Farma Net Albania”, dhe mesa duket kjo është një prej çadrave të shumta të prodhuara për llogari të kompanisë, por mbetet e paqartë se si ka përfunduar në duart e Ramës.
“Farma Net Albania” nuk është e panjohur për publikun, pasi pronari i saj, biznesmeni Sokol Topçiu është aktualisht nën masën “arrest shtëpie” pasi dyshohet se ka përfituar miliona lekë gjatë pandemisë, duke i shitur shqiptarëve ilaçe kontrabandë për Covid-19, të cilat i blente me rreth 20 dollarë dhe i shiste deri në 500 dollarë.
Përpos kësaj, Topçiu i “Farma Net Albania” ka marrë miliona euro tendera nga qeveria, pasi gjatë pandemisë ka fituar disa tendera për furnizimin me maska anti-covid, doreza dhe dezinfektantë të institucioneve shqiptare.
Duke qenë agjenda për ditën e nesërme, parashikon që të tre politikanët do të bisedojnë në Pallatin e Serbisë me përfaqësues të kompanive nga Serbia, Shqipëria dhe Maqedonia e Veriut, nuk përjashtohet mundësia që me kryeministrin Rama të kenë shkuar përfaqësues të kompanisë “Farma Net Albania”, si kompani përfaqësuese nga Shqipëria.
Discussion about this post