Nga veriu në jug të Shqipërisë, kryeministri Rama po i jep tokat publike për resorte, si dhurata për oligarkët e ndërtimeve. Në vitin që lamë pas u dhanë shumë statuse për investitorë strategjike në Sarandë e Himarë, tashmë qeveria është drejtuar nga zonat malore. Qeveria do t’i japë 10,000 m² në Korçë biznesmenit Agim Zeqo, i njohur si “Gimi i Redbullit”.
Bëhet falë për një vendim të firmosur nga vetë kryeministri Rama, ku thuhet se firmës “Investment and Development Albania”, të Agim Zeqos, i jepet statusi si investitor strategjik, për të ndërtuar “Green House Korça Resort” në Korçë.
Vendimi është firmosur me datë 1 shkurt. Por Komiteti i Investimeve Strategjike e ka mbajtur të fshehtë dhe ka publikuar së fundmi.
Në raport thuhet se investimet për këtë resort do të jenë me afat 4 vjeçar. Dhe pritet që Agim Zeqo do të investojë 18 milionë euro për ndërtimin e tij. Ndërsa bie në sy se hoteli do të ketë 94 dhoma dhe parashikohet të ketë 94 punonjës.
“Kompania “Investment and Development Albania” do të investojë mbi 18 milionë euro për ndërtimin e një strukture turistike elitare të quajtur “Green House Korça Resort”. Ky projekt përmban një hotel me 5 yje, me kapacitet total prej 94 dhomash. Restorante, bare, SPA etj si dhe parashikon të punësojë 94 vetë në këtë resort. Sipas projektit, hoteli që do të ndërtohet do të menaxhohet nga brandi i njohur ndërkombëtar i hoteleve “Acor””, thuhet në vendim.
Ndërsa theksohet se qeveria është angazhuar që procedurat për këtë projekt ë zhvillohen me afate të përshpejtuara.
Më tutje përcakohet që, në rast se përgjatë zhvillimit dhe zbatimit të projektit konstatohen të dhëna të pavërteta. Të rreme apo ndryshime të të dhënave të dala rishtazi. Mbi bazën e të cilave nuk do të ishte vendosur për miratimin e statusit strategjik të këtij projekti. Komiteti i Investimeve Strategjike ka të drejtë të revokojë vendimin për dhënien e statusit strategjik.
Në fakt në këtë pikë lindin dyshime. Sepse Agim Zeqo ka përfituar një status të tillë edhe për resorte në Vlorë, Dhërmi dhe Durrës, që më shumë janë vjedhur para se sa janë investuar. Por, asnjë masë nuk është marrë në këto raste.
Lexo edhe:Rama ‘presion’ votuesve në Elbasan: Nëse votoni ‘Liken’, më mirë…
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post