Presidenti Ilir Meta i është përgjigjur deklaratave të kryeministrit Edi Rama i cili i kërkoi SPAK të nisë hetimet ndaj tij. Para gazetarëve, Meta tha se është i hapur të hetohet nga SPAK, madje e ka ironizuar kryeministrin duke thënë që ti dërgojë pyetjet njësoj siç bëri me gjyqin në Kushtetuese.
“Shqipëria e pret Ilir Metën, ose ajo pjesë e Shqipërisë që i rreh zemra për Shqipërinë dhe interesin kombëtar i cili falë marrëveshjes së 5 viteve më parë është cënuar si asnjëherë tjetër, ne e kemi kohën përpara. Ajo që shqiptarët presin, është një lidership që mban fjalën. Ajo që shqiptarët presin është llogaridhënia e të gjithëve. Mua më bën përshtypje se pse ka frikë një kryeministër nga drejtësia e tij që e ka kapur për fyti. i bën thirrje SPAK-ut të hetojë Ilir Metën? Shumë mirë bën që e bën këtë gjë. Tu çojë edhe pyetjet bashkë me Agaçin, sikurse ia çuan disa gjyqtarëve të Kushtetutës. Ilir Meta ka armët më të forta, unë nuk i jam shmangur ndonjëherë drejtësisë, as në 1992 kur më hoqën imunitetin”, tha Meta.
Meta akuzoi Ramën se po përdor drejtësinë për të mbrojtur administratorët e inceneratorëve që janë në kërkim, ndërsa komentoi dhe rikthimin e tij në politikën aktive.
“Pas 24 korrikut është e sigurt që Ilir Meta me qindra mijëra shqiptarë do shkojmë te SPAK me fakte dhe prova, jo me deklarata politike, për të gjithë mullarët e korrupsionit që lartësohen çdo ditë. Kush i ka penguar ata të hetojnë Saliun, apo Ilirin para 20 vitesh që ka qenë kryeministër? Pse i bëjnë të gjitha këto? Që të mos hetojnë Stelën, Zotin, Mërtirin. Do t’ju japë zemër bandës së inceneratorëve, ju thotë që duroni dhe pak. Ky nuk di gjë ky që e ka ministrin brenda, joo… nuk di gjë ky. Nuk e di dhe për ato 14 shkresa që u nënshkruan brenda ditës, gjërat janë shumë të qarta në dritën e diellit”, tha ai.
Discussion about this post