Ditën e sotme, ish-Drejtoresha e Përgjithshme e Tatimeve dhe nënkryetarja e Lëvizjes Socialiste për Integrim, Brisida Shehaj është shprehur se nuk është informuar ende për padinë që kryeministri Edi Rama ka depozituar kundër saj.
Në një postim në rrjetet e saj sociale, Shehaj ka shkruar se po pret aktet nga gjykata. Ajo gjithashtu shton se është e aftë të faktojë gjithçka që ka thënë.
“Po më shkruani pafund për lajmin e dalë tani. Nuk kam dijeni për padinë që Edi Rama ka ngritur kundër meje. Pres aktet nga Gjykata por një gjë e di mirë. Jam në gjendje të faktoj ato çka them. Love (dashuri)”.
Nga ana tjetër, kryeministri Edi Rama ka paditur Brisida Shehajn, aktualisht nënkryetare e Lëvizjes Socialiste për Integrim dhe ish-drejtoreshë e Tatimeve.
Rama kërkon të dëmshpërblehet me 1 milion lekë nga ajo. Kryeministri Rama pretendon të jetë dëmtuar nga deklarime të bëra nga Shehaj në datën 10 mars 2022 në një video-postim në profilin e saj në Instagram pas lajmërimit qeveritar për ngritjen e bordit të transparencës për çmimin e naftës.
Discussion about this post