Media e njohur italiane “Corriere della Sera” po i nxjerr të palarat Edi Ramës dhe propagandave tij. Ky medium i ka kushtuar një artikull delegacionit shqiptar të mjekëve të dërguar nga kryeministri Edi Rama në Itali për t’i ofruar ndihmë gjatë periudhës së fillimit të pandemisë.
Sipas medias italiane, grupi i mjekëve shqiptarë nuk ka pasur asnjë kontribut pozitiv në vështirësitë e asaj periudhe kur Italia ishte kombi më i prekur nga COVID në Europë
Madje, si për të mos mjaftuar, ata janë gjobitur për mos qëndrimin e tyre korrekt gjatë 1 muaji në Lombardi e Breshia.
“Festat e tyre me pije alkoolike brenda hoteleve nuk kishin fund. Gjobat e majme që morën për grumbullimet, u zhdukën falë marrëveshjeve të dy qeverive,” shkruan Corriere.
Tre milionë euro
Ekipi i Tiranës erdhi me avion dhe u vendos në Brescia. Edhe shqiptarët ishin mysafirë si rusët, por jetesa e tyre kushtoi diku tek 3 milionë euro.
Njerëzit e Ramës
Analistët ndërkombëtarë e kishin përmbledhur thelbin e delegacionit si një lëvizje legjitime dhe të rregullt gjeopolitike të kryeministrit Rama, manovra klasike diplomatike për të avancuar kreditet dhe për të marrë pikë të mëtejshme në garën për anëtarësim në Bashkimin Evropian.
Në pritje të zbarkimit të shqiptarëve ishin drejtuesit e Qarkut të cilët falënderuan mjekët shqiptarë dhe i uruan punë të mbarë.
Njerëzit e Ramës nuk kanë dhënë asnjë kontribut të rëndësishëm. Përmendim këtu rastin e punonjësit të karburantit, që u pasqyrua dhe nga gazetarët shqiptarë, që papritur u bë ekspert i sëmundjeve infektive.
Discussion about this post