Kryeministri Edi Rama tha në fjalën e tij këtë të mërkurë në një dëgjesë publike lidhur me diskutimin për rikthimin e basteve sportive, se nuk do të ketë më hapje të sallave të lojërave të fatit, por po shkohet drejt formalizimit dhe lejimit të atyre vetëm online.
“Ne s’do kthehemi në asnjë mënyrë te sallat te lojërat te batërdia e lojërave të fatit as për baste as për makineta as për dreq e shejtan. E vetmja konsideratë është për bastet sportive online dhe për asgjë tjetër. Pavarësisht se ka shumë diskutim mbi këtë se duhet e kjo e duhet dhe ajo. Jo më salla parazitësh e parazitizmi në Shqipëri ku mblidhen njerëzit e harxhojnë orë të tëra e luajnë për të hedhur në erë edhe ato kursime që prindërit ua japin fëmijëve në dorë, nuk do ketë”, tha Rama.
Discussion about this post