Deri më tani, Edi Rama i ka falur Belinda Ballukut gjithçka nga qendra e pushtetit duke e shndërruar atë në gruan më të fuqishme të qeverisë dhe të partisë. Mjafton të përmendet se për tekat e Ballukut, u larguan nga Fieri dy nga deputetët më të vjetër të PS-së, Erjon Braçe dhe Petro Koçi, ndërsa në qeveri, Balluku drejton rregulisht mbledhjet e qeverisë në mungesë të Ramës dhe menaxhon një buxhet gjigand në dikasterin e Energjisë dhe të Infrastrukturës.
Veçse një filmim që ka publikuar Gazment Bardhi në rrjetet sociale shihet se sa shpejt mund të shembet kalaja e rërës ku të hipën pushteti i falur nga Rama. Aty duket Rama dhe Balluku që ecin bashkë gjatë një takimi në Fier, por një çast kryeministri ndalet, diçka i thotë Ballukut, i jep një të shtyrë dorës sikur do ta heqë qafe dhe ikën para, ndërsa i hedh krahun një gruaje tjetër, duke lënë pas zv.kryeministren. E braktisur nga shefi, Belinda Balluku ndalet në vend me buzëqeshjen e ngrirë në fytyrë, ndërsa Rama ikën para.
Në postimin e publikuar në rrjetet sociale, Bardhi shkruan: “Kur s’të do as shefi afër, keq shumë janë punët. S’vjen braktisja as me dajre, as me DJ Belinda! Burgun e Fierit afër e ke, shko pyeti shokët si u ndodhi, që të përgatitesh shpirtërisht të paktën për rrugëtimin drejt Pojskës!”.
Discussion about this post