Kryeministri Edi Rama në një intervistë të dhënë për “CNN” është ndalur gjatë tek strehimi i afganëve që duan t’i shpëtojnë dhunës së talebanëve. Në fjalën e tij Rama tha se është në dëshirën e afganëve nëse duan të qëndrojnë përgjithmonë në Shqipëri.
“nuk ka shqiptarë që kanë mbetur atje dhe jemi gati të mirëpresim afganët që besuan tek ne, si NATO, që punuan me ne dhe që ne nuk mund të mos i ndihmojmë, ndërkohë që rrezikojnë të vdesin, është çështje jeta a vdekje për ata dhe çështje morale për ne si aleancë e NATO-s.
Shqipëria nuk është nga vendet më të pasura, por ne kemi një kujtesë dhe besojmë se është në nderin e të gjithë anëtarëve të NATO-s dhe të gjitha vendeve të cilat kanë nxitur dhe mbrojtur vlerat për të cilat ne qëndrojmë në të kundërt rrezikon që NATO të zbehet në sytë e botës. Për fat të keq jo cdo kush po shkon në këtë drejtim” tha ai.
Gazetarja e pyeti nëse është gati Shqipëria t’i pranoni në mënyrë të përhershme? “Nuk është cështja nëse jam i gatshëm, është cështja që ky është një vend, ku Kushtetuta e parë, Kanuni i më shumë se 100 viteve më parë, në paragrafin e parë kishte të shkruar, “shtëpia e shqiptarit i përket Zotit dhe mikut, ata do të jenë miqtë tanë, nëse duan të qëndrojnë janë të mirëpritur të qëndrojnë” tha ai.
