Teksa ka prezantuar projekt-buxhetin për vitin pasardhës, kryeministri Edi Rama nuk i ka ndalur ironitë ndaj kreut demokrat, Lulzim Basha.
Nga foltorja e Kuvendit, ai renditi një sërish projektesh për vitin e ardhshëm, ku nuk nguroi të thumbonte liderin e opozitës, kur tha se kush sheh ëndrra vetëm në gjumë, nuk e kupton që realiteti dhe gjumi s’kanë lidhje me njeri-tjetrin.
“Të gjitha investimet në infrastrukturë që janë në vazhdim synojnë jetëzimin e të gjitha pikave, ku potenciali turistik është i lartë. Përtej edhe një aksi të rëndësishëm dhe të madh nga Muriqani, në Milot, në Kashar, në Rrogozhinë dhe në Fier që do të nisë së shpejti, do të së shpejti, por që do të jetë aty siç kanë qenë aty shumë prej atyre që kanë filluar, se fillon njëherë ëndrra, pastaj është projekti, pastaj vjen realizimi. Kush nuk ëndërron nuk e kupton si ndodh ky proces. Kush sheh ëndrra vetëm në gjumë nuk e kupton që realiteti dhe gjumi nuk kanë lidhje me njeri-tjetrin dhe janë akoma dhe një sërë projektesh të tjera në fushën e energjisë ku përfitoj nga rasti të them se në buxhetin e 2022 do të jemi mburojë për familjet dhe biznesin e vogël në raport me çmimin”, tha Rama.
Discussion about this post