Kryeministri Edi Rama nuk ka kursyer ironitë për Bashkimin Europian dhe për diplomatët e Brukselit gjatë samitit të Ballkanit të Hapur në Ohër.
Ndërsa i sulmoi për zvarritjen e negociateve, Rama shkoi më tej duke thënë se i vjen keq për ta dhe sa herë shkon në Bruksel, ndjen se duhet t’iu japë kurajo.
“Këtu bëhet fjalë për të hapur bisedën. Ne të vazhdojmë bisedën mes nesh. Një gjë dua t’ju them në mbyllje. Dikur kur shkoja në Bruksel, shkoja që të merrja kurajo nga ata. Tani kur shkoj në Bruksel më duket sikur duhet t’i japë kurajo atyre, sinqerisht. Dikur më dukeshin ata në kulmin e formës, sot sikur më vjen keq kur i shoh atje. Të shkojmë atje, ju japim energji dhe atyre. Ballkani nuk vdes, por Ballkani i Hapur, aq më pak vdes. Kështu sido që të rrotullohet bota, Ballkani këtu do jetë, kam një lajm për ju, Serbia nuk do të largohet në ndonjë planet tjetër, Maqedonia jo e jo, as Bosnja. Ne shqiptarët s’kemi ku të shkojmë, BE me të parë me të bërë, por ne jemi këtu në mes të Europës, BE na bëjnë ata, por europianë jemi vetë”, tha Rama.
Discussion about this post