Kryeministri Edi Rama nuk i ka kursyer ironitë as në Kuvendin e sotëm. Teksa po fliste për përballimin e krizës, Rama ironizon opozitën si për akuzat e kësaj të fundit në lidhje me masat e marra, gjithashtu edhe për situatën në të cilën ndodhet PD pas dorëheqjes së Lulzim Bashës.
“Kështu siç ecin deri tani s’ka arsye për t’u ndierë veç të tjerëve për asgjë. Dhe një zë më vjen nga lumi më buçet më zgjon nga gjumi. Shpresa nuk ngrihet mbi iluzione, beteja s’bëhet me iluzione, përballja me kriza nuk bëhet me iluzione. Me iluzione bëhet Vebiu guvernator i Shqipërisë. QË të fitohen beteja dhe luftëra duhet të dihet e vërteta çfarë po ndodh dhe si mund tja dalim. Në këtë situatë ku kemi të bëjmë me një luftë që as nuk e ndalojmë. Është mirë të biem dakord të gjithë bashkë për fakte. Faktet të mos i vëmë në diskutim”, tha Rama.
Rama, në fjalën e tij në Kuvend përdori nota ironie edhe për ndarjen e PD-së në kampe.
“Nuk dua të hyj më thellë, se po vjen tundimi të hyj më thellë duke iu parë juve përballë. Po s’do ta bëj këtë për të dhënë shembullin se sot kemi diçka shumë të madhe për t’u marrë. Këtej andej kështu ashtu, s’është ky problemi i shqiptarëve sot”, tha Rama.
Discussion about this post