Pasi prezantoi platformën e re për “Këshillimin me qytetarët”, kryeministri Rama komentoi gjithashtu dhe tensionet e fundit në selinë e PD mes mbështetësve të Berishës dhe Bashës. Duke ironizuar opozitën, Rama tha se lufta për brava dhe pushtet, nuk ka lidhje me të ardhmen e Shqipërisë.
“S’kemi çështje të lidhur me atë që jemi mësuar si standard për votimet, çështja është për të marrë një opinion, e rëndësishme është njohja nga ekspertët e kësaj nisme. Përpjekja lidhet me bindjen që ne duhet të bëjmë një kapërcim të rëndësishëm për ti ndarë sherret dhe llogoret politike nga e ardhmja. Luftëra për pushtet beteja për brava kërcënime me çelësa qasje me shqelma dyerve me kriminelë këto s’kanë lidhje me të ardhmen e Shqipërisë. Duhet të bëjmë çmos që të unifikojmë shqiptarët që ndahen në simpatira çështje politike por në këtë drejtim duhet të jemi bashkë”, tha Rama.
Ndër të tjera, kryeministri tha se pyetësori do të jetë një format disponibël edhe online për të gjithë që duan ta plotësojnë online do jetë në letër dhe do dërgohet përmes postës pa pasur nevojë që njerëzit të paguajnë.
Discussion about this post