Teksa Partia Demokratike po thellon mosmarrëveshjet brenda kampit, me akuzat e ndërsjellta mes Bashës dhe Berishës, kryeministri Rama duket se ka diçka për të thënë lidhur me të gjithë situatën. Përmes një statusi në rrjetin social Instagram, Rama ka shpërndarë një thënie ku shkruan se aty brenda kanë qenë të dy marrë, njeri që nuk do asgjë më shumë se sa të rrijë aty ku është dhe tjetri që e gënjen mendja se jeta e tij
“Sipas meje aty brenda kanë qenë gjithnjë dy të marrë, njeri që nuk do asgjë më shumë se sa të rrijë aty ku është dhe tjetri që e gënjen mendja se jeta e tij, pak më tutje, do të bëhet njëçikë më pak e hidhur”, shkruan Rama.
Ditën e sotme ish-kreu i PD-së Sali Berisha sëbashku me mbështetësit e tij u shfaqën në ambientet e selisë blu, ku akuzuan se Basha po e trajton partinë si pronë. Ndërkohë, Basha i është përgjigjur akuzave të Berishës, ku mes të tjerave ka thënë se Rama dhe Meta do të shpallen “non-grata”, njëjtë si paraardhësi i tij, i cili e cilëson atë si kukull të Ramës.
Discussion about this post