Kryeministri Edi Rama tregoi mbrëmjen e sotme arsyen sepse u përcaktua Lezha për ngritjen e kampit të refugjatëve që do të kapen në brigjet italiane dhe mund të akomodohen në Shqipëri, në pritje të trajtimit të kërkesave të tyre për azil në Itali.
“Kur është vendosur vendi nuk është vendosur arbitrarisht por janë studiuar disa opsione. Është zgjedhur si vendi më i përshtatshëm edhe për shkak të terrenit ku kjo qendër do vendoset që është në krah të repartit ushtarak, pranë aeroportit të Gjadrit.
Është një operacion që për sa na takon së pari Shqipëria ofron hapësirën por nuk ka asnjë përgjegjësi të drejtpërdrejt e menaxhon të gjithën Italia.
Edhe fondet janë të Italisë. E vetmja gjë që do impaktojë zonën eshte se ata njerëz që do strehohen aty do ushqehen, do shërbehen dhe kjo do ti shërbejë zonës sepse zona, bizneset në zonë do kenë një klient të ri që do marrë ato shërbime.
Të gjitha aspektet e tjera s’do kenë asnjë mundësi të impaktojnë sigurinë, qetësinë”, tha Rama në Report Tv.
Ai u shpreh se në kamp nuk mund të strehohen më shumë se 3 mijë emigrantë.
Discussion about this post