Është mbyllur pas thuajse dy orësh protestë, demonstrata e organizuar nga shoqëria civile pas tragjedisë së Himarës, ku vogëlushja Jonada Avdia humbi jetën pas u godit nga një skaf. Qindra qytetarë me pankarta në duar kërkuan drejtësi për vogëlushen Jonada, të cilës polici Arjan Tase i mori jetën.
Protestuesit kërkuan dorëheqjen e kryeministrit Edi Rama dhe vartësve të tij, ministrit të Brendshëm, Bledi Çuçi, ministres së Turizmit, Mirela Kumbaro dhe kreut të Policisë së Shtetit, Gledis Nano.
Protestës së shoqërisë civile iu bashkuan dhe krerët e Partisë së Lirisë dhe Partisë Demokratike, Ilir Meta dhe Sali Berisha.
Protesta “Nuk e vrau varka por shteti”, pati dhe tensione, ku protestuesit u përplasën me kordonin policor të vendosur përballë Ministrisë së Brendshme.
Discussion about this post