Kryeministri Edi Rama jep lajmin e mirë se Bundestagu i Gjermanisë ka votuar sot për njohjen e lejeve shqiptare të drejtimin, ndërsa nuk ka lënë pa sulmuar as qeverinë e paraardhësit të tij.
Në një postim në “Facebook”, ku publikon pamje nga votimi në Bundestag për njohjen e patentave shqiptare, Rama thekson se kjo konfirmon transformimin rrënjësor nga “rrumpalla totale e 8 viteve më parë”, kur kryeministër ishte Sali Berisha.
“Më në fund, pas kalimit në parlamentin e çdo landi, Bundesrati gjerman votoi njohjen e lejeve shqiptare të drejtimit, një konfirmim kuptimplotë i transformimit rrënjësor të sektorit, nga rrumpalla totale e 8 vjetëve më parë, në një sistem me standarde europiane të certifikuara de facto nga misionet e inspektimit të qeverisë gjermane”, njofton Rama.
Ndërkohë, në votimin e sotëm në Bundestag mësohet se janë njohur edhe patentat nga Kosova.
Discussion about this post