Duke fol për skuadrën e re qeverisëse për katër vite, Rama është shprehur se ministrat e zgjedhur prej tij janë zgjedhur në kuadër të aftësive të tyre dhe peshës politike, që sipas tij, ia jep zgjedhësi.
Kreu i qeverisë tha se jo të gjithë ministrat mund ta çojnë mandatin deri në fund nëse nuk iu qëndrojnë prioriteteve të vendit. Rama mohoi se me emrat e rinj të përfshirë në kabinetin qeverisës po ndryshon kupolën e PS.
“Rolet në skuadër përcaktohen në bazë të atyre që janë prioritetet e një periudhe kohe që preferushmërisht di të ishte për 4 vite për të gjithë, por jo për të gjithë është 4 vite. Dikush e çon punën deri në një pikë pastaj e vazhdon dikush tjetër. Ka shumë rëndësi se kush caktohet ku, por kush caktohet në vendet të tjera. Është një skuadër që duhet të ketë një baraspeshë”-tha Rama.
