Në dalje live që po zhvillon në momentet që flasim kryeministri Rama po bën diskutim me ndjekësit e tij në Facebook. Teksa dikush i ka përmendur Reformën në Drejtësi, kryeministri vazhdon të këmbëngul se kjo reformë u bë vetëm fal vullnetit të PS dhe po sjellë zhvillim në këtë sektor.
“Ka një diskutim të vazhdueshëm e të pakuptueshëm për mua, jo po u fut ky apo ai në burg. Këto faturohen si faje apo përgjegjësi dhe e metë e PS, por pa PS dhe vullnetin tonë nuk do të ndodhte kjo që po ndodh që drejtësia të çlirohej nga kthetrat e pushtetit politike të veprojë pavarësisht se cilës anë i përket njëri apo tjetri. Nuk kishte ndodhur që të kishte më parë një person të lidhur me pushtetit që të vendosej para një drejtësie të pavarur.
Kemi rastin e Fatos Nanos por ai u dënua nga një gjykatë politike.
Drejtësia e pavarur arritje historike
Vetëm për këtë nuk duhet të diskutohet fare se këtu ka vetëm një parti që lufton për të bërë shtet. Si çdo pyll që ka derrat e vet, edhe ne kemi individë që për fat të keq i përkasin drejtësisë dhe jo rrugës së PS.
Një gjë është e sigurt, që sot nuk ka më shumë korrupsion por ka më pak, ndryshe nuk do të ishim ulur në negociata me BE”, tha ai.
Por, kryeministri po harron këtu sa gjyqtar e prokurorë vazhdojnë të jenë në punë edhe pse janë përfshirë në korrupsion. Harron se ka dorëzuar vetëm disa prej të korruptuarve të qeverisë, por shumë të tjerë i ka në krahun e tij të djathtë.
Discussion about this post