Në konferencën e përbashkët me drejtoreshën e AKSH-it, kryeministri Edi Rama deklaroi se skandali i rrjedhjes së pagave të qytetarëve është një ngjarje që ka ndodhur dhe në vende të tjera të botës.
Rama zgjodhi të justifikohej duke përmendur se ngjarje të tilla kanë ndodhur në SHBA, Rusi, Angli apo Kanada.
“Nga analiza paraprake ngjan më shumë se ndërhyrje si një infiltrim i brendshëm sesa i jashtëm, nga një sulm jo kibernetik gjë që ndodh edhe kjo. Nuk jemi as të parët as të fundit. Nëse i referohemi viteve të fundit ngjarje të tilla kanë ndodhur në shumë vende me kapacitete të mëdha nga SHBA, Britania e Madhe, Kanada dhe kjo është një sfidë e re e kohës. Sot qytetarët duan të dinë sa të sigurta janë veprimet e tyre me sistemin tonë dixhital, në sistemin e tatimeve kemi të bëjmë me një program, sistem dixhital të krijuar më shumë se 8 vite më parë me një kredi të butë të një vendi të Bashkimit Europian dhe ku janë angazhuar forca dhe administratorë të këtij sistemi”, tha Rama.
Më herët, kryeministri kërkoi ndjesë për rrjedhjen e informacionit, ndërsa i bëri thirrje organeve ligjzbatuese të hetojnë në detaje.
Discussion about this post