Në deklaratën live që po mban në këto momente, kryeministri Edi Rama ka prekur edhe çështjen e naftës që paguhet për të lëvizur deputetët e ministrat. Ai tha se tani e tutje edhe për qeveritarët, shteti do paguaj vetëm 50% të naftës, ndërsa pjesën tjetër ata duhet ta paguajnë vetë. Ai tha se edhe ministrat duhet të kursejnë në të kundërt duhet ta mbushin vetë makinën me naftë.
“Për mua dhe qeverinë çështja themelore nuk është si të mos na dhëmbë koka kur mbushim makinën me naftë. As atyre që vijnë këtu poshtë për të eksituar njerëzit e nxitur, por qindra mijëra shqiptarëve që nuk kanë as vetura dhe as iPhone, as nga çmimi i biletës për ata që lëvizin me autobus. Qeveria do të paguajë 50% të naftës të qeveritarëve. Pjesën tjetër ta paguajnë nga xhepi nëse nuk kursejnë dot”, tha ai.
Discussion about this post