Banorët e “5 majit” nuk i kanë ndalur protestat kundër vendimit të qeverisë për prishjen e banesave të tyre, as në këtë ditë me shi. Disa prej protestuesve u shprehën të irrituar me neglizhencën e qeverisë dhe bashkisë së Tiranës ndaj problemit të tyre.
Ata shprehen se kanë dërguar kërkesë në Bashki për takim që të hënën me kryebashkiakun Erion Veliaj, por nuk kanë marrë asnjë përgjigje.
“Ky Erion Veliaj që thotë jam i demokratëve, socialistëve, s’ka turp që ofendon 2-3 veta, por janë 430 shtëpi. Duket që ata nuk janë në rregull nga trutë. Tjetër veprohet ndryshe, ndryshe në ligj. Faktet që ata thonë në fjalë dhe jo në ligj, kanë probleme thelbësore me ne. Kemi bërë shkresë, këta nuk kanë bërë asnjë reagim. Flasin në mediat e veta, asnjë lajm deri më sot. Kanë hallin të përçajnë banorët. Bashkia e Tiranës, të premten në takim me ndërtuesit kanë thënë se edhe sikur të prishim dy shtëpi pa marrëveshje, është fitore. Kjo nuk ka për të ndodhur. U kemi kërkuar ditën e hënë të kërkojnë takim me ne. Legalizimet i kanë bllokuar”, shprehen banorët.
Një tjetër banor i zonës tha se kur kryeministri Rama ishte kryetar bashkisë është protestuar për këto zona, por rezistenca e banorëve bllokoi punimet.
“Në të gjitha deklaratat u kemi dhënë prova se legalizimet janë bërë me korrupsion, me lekë. Në 2007 kur Rama ishte kryetar bashkie, ka tentuar t’i prishë banesat, por bëmë rezistencë dhe i bllokuam. Kjo është vënë në sytë e PS-së që në 2007 nuk është fatkeqësia e 2019, por janë interesat ndër vite. Edhe mediat po t’i shihni, në 2007 është e njëjta zonë që do t’i prishë. çdo gjë e kanë aferë korruptive. Erion Veliaj të vijë këtu. Kështu kemi informacion që do vijë kryetari i bashkisë këtu. Të gjithë këto pallate që janë bërë këtu, pse s’ua jep banorëve? I kam thënë kryetarit të rregullojë VKM-në për pronën e Vlash Markut”, u shpreh një tjetër qytetar.
Banorët e “5 majit” shprehen të vendosur se nuk do firmosin asnjë lloj kontrate pa arritur marrëveshjen e kërkuar.
Discussion about this post