Sot në studion e Faxnews ka qenë i ftuar avokati Kujtim Cakrani për të folur për bojkotin e arsimit në universitete. Ai theksoi që në arsimin e lartë prej 30 vitesh është lozur dhe gjithë kohën ka ndryshuar ligji. Cakrani shtoi më tej se kryeministri po sulmon pedagogët për të ndaluar protestën duke i shantazhuar. Avokati theksoi se kjo protestë është në të drejtën e pedagogëve dhe nuk do gjunjëzohen nga qeveria.
“Ky është shantazh pritej sepse kryeministri e ka deklaruar që mua nuk më shantazhoni dot dhe ai është hedhur në sulm duke marrë parasysh që kjo është një protestë e atyre pedagogëve që nuk janë kapur prej tij janë njerëz të lirë, janë sindikata pedagogësh, që duhet pranuar kjo është protestë nga sindikata e pedagogët.Në arsimin e lartë prej 30 vitesh është lozur gjithë kohën është ndryshuar ligjet për arsimin e lartë dhe tani dihet si janë universitete shqiptare publike, sidomos universitet e rretheve që janë disa të kapura nga nepotizmi, janë kapura nga partia, nga korrupsioni etje .Kryeministri e di shumë mirë gjëndjen e univeristeteve sepse i ka kapur me rektorë me dekan, me pedagogë.
Po ti vësh re univeritetet e rretheve nuk jane solidaralizuar me grevën ose protestën qe po bëhët Tiranë. Arsyeja është që janë kapur nga qeveria.
Shantazhi që i bën pedagogëve të ndershëm është një shantazh që pritej sepse për kryeministrin mjeti i vetëm për pedagogët dhe jo vetëm për ta por të gjithë që ngrihen në protestë është vetëm shantazhi dhe për të gjunjëzuar pedagogët, pasi ata kërkojnë rritje page sepse jetesa është bërë shumë e shtrenjtë dhe kjo është për faj të qeverisë se cmimet janë të gjitha në rritje. Kështu kjo që kërkojnë pedagogët është në të drejtën e tyre të ligjshme dhe kjo që po bën kryeministri i shkon pushteteve autokrate. “- u shpreh Cakrani.
Discussion about this post