Ish-deputeti i Partisë Socialiste, Spartak Braho ka bërë deklarata të forta në adresë të kryeministrit, Edi Rama. Braho i ka konsideruar lajthitje deklaratat e Ramës lidhur me SPAK-un
Në një intervistë për Neës24, Braho i bën thirrje Ramës që të mbyllë gojën dhe mos të japë asnjë këshillë për SPAK-un.
“Kryeministri kot merret me këtë histori. Larg duart nga SPAK-u. Janë strukturë më vete. Është pushtet më vete. Ka dëgjuar ai që të merret me duart e kryeministrit? I bëj thirrje edhe njëherë, s’ke punë fare. Mbylle gojën dhe mos jep asnjë sugjerim, asnjë këshill. SPAK-u e di punën e tij, ka ligjet e veta. Këto organe po s’patën pavarësinë e tyre, nuk mund të funksionojnë. Mos i thuaj në mbledhje partie. Në mbledhje partie mos e thuaj, thuaje në zyrën e Kryeministrit. Është lajthitje e madhe. Natyrisht plotësimet që bëri më pas ministri i drejtësisë, ishin më të matura. Më të përgjegjshme. Por ky njeri nuk rri rehat, kërkon të fusë hundët gjithandej. Kur them lajthitje, brenda lajthitjes përfshihen të gjitha, presione, frikë dhe u thotë që jam mbi ligjin”, ka thënë ndër të tjerash Braho.
Sipas tij, Prokuroria e Posaçme ka një strukturë dhe organizim të vetën, dhe nuk ka nevojë për sugjerime. Ai po ashtu ka thënë se kryeministri nuk është shteti, është pushteti dhe pushteti është strukturë ekzekutive e veçantë dhe e pavarur në katër shtylla.
Discussion about this post