Biznesi i deputetit të Partisë Demokratike Agron Shehaj u mbyll dje, vetëm pak pasi ai denoncoi shpalljen e ministres së Jashtme Olta Xhaçka si investitore strategjike. Menjëherë pas këtij vendimi të policisë, ka reaguar dhe kryeministri Edi Rama, i cili pretendoi se biznesi i Shehajt në rrugën “Murat Toptani” pranë pedonales në Tiranë, është në një godinë pa leje.
Ndërkohë gazetari dhe moderatori Arjan Çani, i ftuar në emisionin “Të Paekspozuarit” në MCN TV, deklaroi se Rama është i shqetësuar kohët e fundit dhe se këto veprime që bën, do ti kthehen kundër.
“Nuk mundesh dot si kryeministër të godasësh njësoj, si një personazh me perceptim negativ, ashtu edhe Agronin që ka perceptim pozitiv. Këtu humbet Rama.
Nga informacioni që kam, ai ka një shqetësim të madh. Do e marrim vesh pak më vonë.
Pyeta Agronin, a e ke menduar mirë, sepse mund ti humbasësh të gjitha? Nuk kemi të bëjmë me sistem me standarte këtu. Agroni vjen nga bota e biznesit. Ja bëra këtë pyetje. Kisha një parandjenjë që njerëz si Agroni do të sulmohen fort në këtë vend edhe pse është në disfavor të qeverisë.
Në këtë vend shumë njerëz janë dorëzuar dhe thonë nuk kemi çfarë bëjmë.
Por, ka edhe njerëz me ideale”, tha Çani.
Discussion about this post