Kryeministri Edi Rama ka ngritur sot alarmin se është rishfaqur korrupsioni tek policia rrugore. Gjatë konferencës me krerët e policisë së Shtetit, Rama i bëri thirrje SHÇBA që të reagojë ndaj denoncimeve të qytetarëve dhe të marrë masa ndaj këtyre policëve.
“Policia e shtetit është botërisht e shikuar dhe e respektuar prej disa vitesh si një nga institucionet me besueshmërinë më të lartë dhe cënimet etike si dhe lëndimet e imazhit të saj në rishfaqja kohët e fundit e rasteve të korrupsionit kanë dëmtuar.
Rikonstruktimi i policisë së shtetit do vijojë edhe në nivel komisariatesh. Rishfaqjet e korrupsionit te efektivët e policisë rrugore, SHÇBA të veprojë.
E papranueshme që të ushtrohet presion ndaj shoferëve për ryshfet, është e pajustifikueshme se më gjithë rritjen e forcës ndëshkuese të policit rrugor, falë ndryshimeve të fundit në kod rrugor, qytetarët të mos ndiejnë një ndryshim thelbësor në disiplinën e qarkullimit rrugor.
SHÇBA konstaton raste të denoncimeve të qytetarëve nuk trajtohen në kohën e duhur dhe në mënyrën e duhur”, thotë Rama.
