Kryetari i Partisë së Lirisë, Ilir Meta, ka akuzuar Ramën gjatë një interviste televizive se shantazhin SPAK-un, duke sjell në vëmendje deklaratën e kreut të qeverisë i cili thoshte se prokuroria e posaçme është krijuar nga PS. Meta tha nuk ka frikë nga drejtësia e se do vijojë me denoncimet. “Çfarë i thotë Rama-SPAK-ut, ju jeni krijesa të PS-së, ne ju bëjmë dhe ju zhbëjmë. Këto muhabete më tha kështu jo ashtu, nuk kanë vlerë me mua. Unë jam ai politikan që nuk kam frikë nga drejtësia. Nëse SPAK do të prodhojmë lajme vere nga mediat e Rilindjes që paguhen nga inceneratorët, mund të japim dhe të gjithë emrat e mediave dhe gazetarëve që marrin lekë nga inceneratorëve”, u shpreh ai.
Ndërkohë referuar edhe deklaratave të fundit të ambasadores Yuri Kim dhe Ramës ai tha se krimet më të rënda Rama i ka kryer duke spekuluar me SHBA-në. Prandaj, sipas tij të gjithë duhet të japin llogari dhe të lënë SPAK të veprojë i lirë.
“Mendoj që Edi Rama, mashtrimet më të mëdha në Shqipëri, krimet më të mëdha i ka bërë duke spekuluar me SHBA-në. Është shkelës i ligjeve amerikane. Kjo vërtetohet me zotin Bilal në Amerikë i cili ka bërë burg. Ky ka shpëtuar me një marrëveshje bashkëpunimi. Se çfarë thotë Edi Rama, janë përralla. Ne dimë që do të vazhdojmë revolucionin antikorrupsion. Edhe ata që janë përpara drejtësisë, janë të bëra nga Ilir Meta me fakte, prova dhe numra llogarie. Gjithë të tjerat, SPAK dhe të tjerët janë të vonuar. Ky vonim krijon një problem të madh. Është përrallë dhe nuk ndalojmë askënd të fshihet pas fustanit të grave se kështu e ka nisur politikën, nuk përballet me burrat në Mejdan”, tha ai. Sipas Metës, Partia e Lirisë është ajo që e ka ndihmuar më shumë këtë Prokurori me denoncimet, përveç arkës së peshkut që e kapi vetë.
Discussion about this post