Nga Shkodra, ku po zhvillon takimin me demokratët, ish-kryeministri Sali Berisha ka deklaruar se Edi Rama ka shkelur Kushtetutën. Sipas tij, Rama po firmos vendim pas vendimi në mënyrë që Ministrat e tij të pasurohen.
“Sot Kushtetuta, neni 70 i saj, Edi Rama firmos vendim pas vendimi që ministrat e tij të marrin dhjetëra mijëra metër katror tokë në brigjet më të bukura të vendit, të shpallen investitor strategjik. Një kryeministër që të firmosë një vendim të tillë, duke shkelmuar Kushtetutën, e bën vetëm kur është bashkë-aksioner dhe e ka verbuar lakmia e papërmbajtur për të pasuruar veten. Shembuj të tillë janë zinxhir. Aferat janë të pafundme në këtë aspekt,” tha Berisha. Ndërsa u shpreh më tutje se shkelet e ligjit bëjnë bujë dhe janë të dukshme, por drejtësia e blerë nga Rama ka mbyllur sytë.
Discussion about this post