Deputeti demokrat Ervin Salianji ka reaguar pas deklaratave të kryeministrit Edi Rama në Asamblenë Kombëtare të PS, ku sulmoi SPAK se përse nuk heton ish-kryeministrin Sali Berisha apo dhe persona të tjerë që sipas tij duhet të jenë subjekt i kësaj strukture.
Në statusin e tij, Salianji pyet se kush e ka frikësuar kryeministrin aq sa të sterrojë dhe t’i nxjerrë dhëmbët drejtësisë deri në kërcënimin me skualifikimin e SPAK. Sipas tij, agjendën e drejtësisë nuk mund ta diktojë Rama dhe Partia Socialiste!
“Një Asamble Socialiste e organizuar për shown e Ramës në sulmin ndaj drejtësisë, SPAK dhe partnerëve! Kush e ka frikësuar KM aq sa të sterrojë dhe ti nxjerrë dhëmbët drejtësisë deri në kërcënimin me skualifikimin e SPAK?! Çdo strukturë e drejtësisë në Shqipëri ka detyrimin të kontrollojë dhe të nxjerrë para përgjegjësisë të korruptuarit, abuzuesit, shpërdoruesit e pushtetit që janë në pushtet, që qeverisin dhe që e kanë bërë Shqipërinë të nxijë në çdo raport ndërkombëtar! Drejtësia duhet ti qëndrojë përballë presionit mafioz që kërkon ta intimidojë! Agjendën e drejtësisë nuk mund ta diktojë Rama dhe Partia Socialiste!”, deklaron Salianji.
Discussion about this post