Ylli Manjani duke folur në ‘A Show’ me Adi Krastën në SYRI TV, ka akuzuar gjykatën, Edi Ramën, Yuri Kim, Lulzim Bashën etj., që po ndalojnë gjysmën e shqiptarëve që të dalin dhe të zgjedhin.
“Shteti shqiptar, Gjykata e Shqipërisë, ka vendosur të ndalojë të paktën 40 % të votuesve shqiptarë që të marrë pjesë në votime. Gjysma e popullsisë së Shqipërisë e kanë të ndaluar të marrin pjesë në zgjedhje, sepse nuk do gjykata, nuk do Edi Rama, nuk do Sude Yuri Kim, nuk do autorizim Alibasha, nuk do shpyllëzim Basha. Këtu kemi dalë nga shtrati demokratik, kushtetues, nga normaliteti, sepse ky është fundi i gjësë.
Sipas gjykatës idiote dhe rregullave idiote që kanë shpikur, Enkelejd Alibeaj nuk është njeri, por është një autorizim. Unë kam një pyetje për këtë zotëri dhe zotërinë tjetër që është në Holandë dhe bën sikur se ka mendjen; vërtetë mendoni se mund të militoni në politikë me këtë sjellje, janë lopatat e fundit të dheut që po ju hedhin. Jeni të vdekur, jeni të marrë fund. Njëherë i ftuan njerëzit për bojkot, që të mos shkonin të votonin, kurse tani i ndalojnë të votojnë’, tha Ylli Manjani në SYRI TV.
Discussion about this post