Kryeministri Edi Rama, në një intervistë për Klan Kosova, ka shmangur komentet mbi qëndrimet e Albin Kurtit dhe se është përpjekur të komunikoj me të por ka qenë e veshtirë.
Rama tha se i ka kërkuar Joseph Borrell që të shtynte masat për Kosovën.
“Gjëja më e rëndësishme sot është që njerëzit të takohen flasin dhe për më tepër kur kanë qëndrime të ndryshme, sepse duke u takuar dhe folur mbase kuptojnë më mirë njëri tjetrin.
Kemi komunikim ose më saktë jam përpjekur të komunikoj, por ka qenë e vështirë. Është një moment i tillë dhe nuk dua të jap gjykim. Ka dhe një keqkuptim sikur anulimi i mbledhjes ka ardhur si pararendje e masave të BE, në fakt e kundërta.
Kam dashur takim që ti përcjell disa shqetësime dhe kam dashur që të lehtësoj pozicionin e Kosovës. E kam kërkuar nga Borrell duke i kërkuar që të shtyjë disa ditë nxjerrjen e masave në një përpjekje për të kuptuar situatën dhe palët.
S’ka qenë e mundur për ta bërë takimin se Albini ka qenë shumë i zënë, punë të tjera që nuk ka qenë i disponueshëm. Ja kam thënë që ne nuk mundet dot të sillemi sikur asgjë nuk po ndodh dhe të bëjmë një mbledhje sikur çdo gjë shkon për mrekulli”, tha Rama.
Lidhur me atë se pse Shqipëria nuk ka mbajtur qëndrim ndaj bandave në Veri, Rama tha se Shqipëria nuk është parti politike në Kosovë.
Rama tha se anulimi i mbledhjes së dy qeverive s’është thikë pas shpine.
“Ne i nënshkruam të gjitha marrëveshjet, si kishim nënshkruar se nuk bëmë mbledhjen. Çfarë thike është që një mbledhje mes dy qeverish të mos mbahet në kushtet kur ka çështje më të rëndësishme për të diskutuar. Është e kundërta e thikës, është shtrirja e dorës në një situatë ku duam që të flasim më shumë me njëri-tjetrin
Shqipëria nuk është një parti politike në Kosovë. Unë s’kam parti politike të regjistruar në Kosovë, madje kur Albini erdhi në Shqipëri për të garuar me një parti në siglën e tij kundër partisë sime, e kam pritur për drekë. Tani ç’lidhje ka kjo Shqipëria nuk ka mbështetur qëndrimin e Kosovës për bandat, ne jemi një shtet, shtet tjetër.
Ky është interpretim i shtrembër i një realiteti që nuk ka të bëjë fare me të vërtetën”, u shpreh Rama.
Discussion about this post