Kryeministri Edi Rama ka dalë në një konferencë për mediat për të prezantuar rezultatet e Këshillimit Kombëtar, përfundimet e të cilit vënë në pikëpyetje shkallën e transparencës.
Para gazetarëve, Rama e cilësoi këtë proces si pozitiv, ndonëse u zhvillua në një periudhë jo të favorshme për shkak të luftës në Ukrainë dhe krizës që ka sjellë, duke e cilësuar si problemin që e ka shqetësuar gjatë këtij procesi.
“Kam pasur në këtë proces një interferencë të padëshiruar, por ajo lidhet me mbarë botën dhe me gjëra shumë të rëndësishme në këtë moment për qytetarët sa i përket ekonomisë së tyre. Megjithatë ajo që është me rëndësi është që edhe pas kësaj interverence gjatë luftës në Ukrainë që ka spostuar fokusin, kemi vazhduar fokusin, dhe kemi marrë mendimin e gjysmë milioni qytetarësh, 563.195 persona. Edhe në hartimin e pyetjeve qytetarët kanë kërkuar që të kenë më shumë zë dhe të bëjnë propozimet e tyre”, tha Rama.
Procesi i Këshillimit Kombëtar nisi në janar dhe përfundoi në 31 mars, ku qytetarëve shqiptarë iu dërgua një pyetësor me 12 pyetje për disa çështje.
Discussion about this post