Kreu i PD Sali Berisha mblodhi Grupin Parlamentar të PD-së, ku tha se Edi Rama është krim-ministër.
Berisha theksoi se skandali i vjedhjeve të qeverisë ka bërë që të bllokohet edhe Kuvendi.
Berisha: Nesër është përsëri një seancë e parlamentit në të cilën sic duket skandali i vjedhjeve vazhdon bllokimin e parlamentit dhe asgjesimin e të drejtave të opozitës. I pashpresë, në Rama-Gatë apo Uater Gate e shekullit 21, Rama beson dhe mendon që ta kapërcejë këtë skandal duke paralizuar hetimin parlamentar duke paralizuar të drejtat e deputetëve, të drejtën e fjalës. Në këtë çështje, me këtë skandal, janë dëmtuar interesat e mbarë shqiptarëve, sepse afera Rama-Gonigal ishte një levë arkimedi për konsolidimin, fitoren e paligjshme të pushtetit rë Ramës të bazuar në krimin, drogën e vjedhjen. Shqiptarët janë dëshmitarë për mbështetjen që iu dha Ramës pavarësisht nga dhunimi i zgjedhjeve.
Pas kësaj mbështetje qëndronte dora e zezë e Charles Mcgonigal. E cila, i cili i paguar nga Rama nëpërmjet Dorian Duçkës, këshilltarit personal, i cili i dha 250 mijë dollarë në banesën e Agron Nezës, bëri gjithçka sipas një skenari mafioz, duke tradhtuar vendin e tij. Mcgonigal është në burg, krimi i tij është i shëmtuar por më i shëmtuar është krimi i Ramës. Ky është krim ministër, ky krim ministër për t’i fshehur pas gishtit bllokon parlamentin.
Discussion about this post