Kryeministri Rama në mbledhjen e fundit të qeverisë nuk i ka kursyer akuzat ndaj ministrit Blendi Klosi teksa fliste për menaxhimin e sezonit turistik e duke u ndalur tek menaxhimi i mbetjeve dhe ndotja e ujërave.
“Duke mbajtur mirë shënim, për mangësitë tona ende të konsiderueshme në turizëm. Tek plehrat apo papastërtia, pa harruar administrimin e plazheve që la për të dëshiruar. Por dhe të tjera mangësi. Për t’u bërë kampionët e Ballkanit në turizëm në fund të kësaj dekade duhet shumëfishim i luftës për mbrojtjen e mjedisit. Ndotja e ujërave e ajrit, janë vetëm pjesa më e dukshme e problematikës mjedisore”, tha Rama.
A janë këto kritika një paralajmërim se ministri Klosi nuk do të jetë pjesë e qeverisë në mandatin e tretë? Emrat e qeverisë në mandatin e tretë do të publikohen javën e ardhshme.
