Gjatë fjalës së tij para uniformave blu, kryeministri Edi Rama nuk i kurseu kritikat ndaj policisë rrugore, lidhur me tolerimin që iu bëhet abuzuesve që ngasin makinat me shpejtësi, apo kur “mbyllin sytë” para kamionëve me dru të prerë.
“Është e palejueshme që ju që fajësoheni pafund edhe për ata që ngasin makinat papërgjegjshmërisht, dhe për këtë arsye ka pika të nxehta që vënë në rrezik sigurinë para syve tuaj duke lejuar që të krijohen pika të tjera me individë që çajnë gardelat aty ku janë, hedhin zhavorr dhe ngrenë një karburant. Këtë nuk e sheh policia, por një qytetar që i bie në sy. Ç’bën policia e qarkullimit rrugor? Me çfarë merret? Nëse rrugën, atë që merret, ia cënojnë. Është e patolerushme që traktorët të shiten në autostradë. Është koha për t’i dhënë fund mbylljes së syve kur kalojnë kamiona me drurë të prerë, kur Shqipëria është në moratorium”, tha Rama.
Ai u ndal dhe te dronët inteligjentë kur tha se satelitët që do lëshohen në hapësirë, do të bëjnë të mundur identifikimin e parcelave me kanabis.
“Ky investim do përdoret për të gozhduar jo vetëm parcelat me kanabis por edhe ata që punojnë, grupe kriminale, përsëri nga ajri. Dronët inteligjentë do jenë në institucion të policisë. Do shohim persona të shpallur në kërkim, do organizojnë shpëtim personash kur mbeten në dëborë. Të gjitha këto janë investime masive. Satelitët do ta bëjnë të pamundur jo kultivimin e parcelave të tëra, po përtej 70 cm që sateliti nuk sheh më në mënyrë të detajuar. Çdo ditë Policia do të ketë para syve çfarë ndodh dhe nuk do të jetë më e akuzuar pa lidhje kur del një parcelë në majë të malit”, u shpreh kryeministri.
Gjithashtu, Rama tha se do të ngrihet qendra e re kundër krimit kibernetik si dhe do të shtohen programe të tilla edhe në Akademinë e Shkencave.
Discussion about this post