Anëtari i Komisionit të Rithemelimit, Luçiano Boçi, ka komentuar sot nga Kuvendi deklaratat e Ramës për SPAK, ku i kërkon që të merret me Metën dhe Berishën. Sipas Boçit kjo është një taktik e kryeministrit për të larguar vëmendjen nga skandalet e qeverisë. Boci tha se sa herë që ndihet i rrezikuar Rama përmend 21 Janarin dhe “Gërdecin”. Sakaq, ai theksoi më tutje se vetë Rama nuk duhet të udhëtojë jashtë, pro duhet të ishte në arrest për shkak se është i kallëzuar nga PD për Inceneratorët.
“Nuk jam habitur nga skenat e ofruara këto ditë, kur Rama shigjeto institucionet e drejtësisë dhe nuk habitem se Rama sa herë është në pozitiv të vështirë nxjerr nga sirtari 21 janarin dhe gërdecin. Sa herë do të qeshet e të tallet me institucionet e shqiptarëve, provokon lotët e familjarëve të këtyre familjeve, sa hera ka probleme me të sotme dhe të ardhmen i referohet sëshkuarës, Rama nuk zbuloi asgjë tjetër veçse projektit për të ndërtuar një drejtësi të kapur nën komandën e tij si qen lufte. Le të shkojë të paraqitet në SPAK është i kallëzuar nga PD për aferën e inceneratorëve”, tha ai.
Ndërsa shtoi më tutje se Rama dorëzon para drejtësisë aktorët dytësorë të këtre aferave gjigande, ndërsa vetë fshihet dhe nuk mban asnjë përgjegjësi.
Discussion about this post