Kryeministri Edi Rama ka komentuar çështjen e deputetit të PS-së Alqi Bllako gjatë një deklarate për mediat. Ashtu sikur ka bërë me Tahirin, me Kokën dhe të tjerë, kryeministri tha se ai mban përgjegjësi individuale. Rama tha se përpara ligjit nuk ka deputet, nuk ka ministra, nuk ka forcë, nuk ka të privilegjuar, janë të gjithë të barabartë. Në nivelin personal ai tha se është shumë i keqardhur.
“Deputetët janë të popullit, individët janë të vetes dhe përpara ligjit nuk ka deputet, nuk ka ministra, nuk ka forcë, nuk ka të privilegjuar, janë të gjithë të barabartë dhe habitem që ka akoma nevojë për të tilla pyetje, ndërkohë që gjithçka po ndodh nuk është asgjë tjetër veçse përgjigjja për të gjithë ata që nuk besonin se në Shqipëri do të bëhej një reformë në drejtësi. Me kohë, me durim, një proces reformimi i drejtësisë të bëjë të mundur që të ketë një Shqipëri të drejtë për gjeneratën tjetër. Kështu që në nivelin personal, njerëzor, patjetër që jam shumë i keqardhur, por në nivelin e detyrës sigurisht që i shoh këto që ndodhin si rezultat i asaj që kemi bërë”, deklaroi Rama. Më tutje ai ka vazhduar me propagandë dh shet si sukses reformën në drejtësi.
Discussion about this post