Ish kryeministri Sali Berisha u shpreh sot gjatë komunikimit me gazetarët se misioni i qytetarëve protestues do të vazhdoje dhe nuk do të ndërpritet.
Protesta e 7 Korrikut sipas Berishës i dha një mesazh kryeministrit Edi Rama që të dorëhiqet dhe të largohet nga pushteti.
“Data 7 Korrik do të shënohet në memorien e kohës dhe revolucionit si një datë historike, si një datë në të cilën shqiptarët befasuan kombin dhe botën.
Secili është larguar me bindjen për t’u kthyer përsëri. Misioni nuk ndërpritet. U larguan të qetë, paqësor, pasi i dhanë një mesazh të një force të jashtëzakonshme Edi Ramës, dorëhiqu dhe largohu nga pushteti. Je vjedhes i papermbajtur, je kapur në flagrancë me vjedhje me firmën tënde”, tha Berisha.
Ish kryeministri theksoi se sot shqiptarëve “u ka ardhur shansi të bëhen misionarë, për shpëtimin e Shqipërisë”.
“Aty ata ishin, i ftoi misioni për shpëtimin e vendit të tyre. Nuk del kush në kulmin e vapës, në një korrik të paparë të protestojë pse thërret një njeri. Të gjithë ata i thërriste vendi, dolën se i thërriste dheu i tyre për shpëtim”.-u shpreh Berisha.
Discussion about this post