Rama: Liderët e BE do të vijnë në Shqipëri që në datën 15, do të zhvillojnë një darkë pune

Kryeministri Edi Rama dha detaje nga Samiti i Komunitetit Politik Evropian që do të mbahet në Shqipëri më 16 maj.

Në rubrikën e tij Sy më Sy, kreu i qeverisë u shpreh se liderët e BE kanë vendosur të vijnë në Shqipëri që në datën 15 maj, për të zhvilluar një darkë punë dhe më pas në datën 16 maj do të vijnë të gjithë liderët e vendeve të Bashkimit Evropian.

“Kemi filluar përgatitjet për samitin e madh të të gjithë komunitetit politik evropian në Shqipëri më 16 maj. Para këtij samiti BE, Këshilli Evropian, liderët e BE kanë vendosur të vijnë në datën 15 maj për një darkë pune këtu me mua dhe me liderët e tjerë të rajonit tonë të BP. Pra 15 do të mikëpresim liderët e KE dhe më 16 do vijnë liderët e të gjithë kontinentit, me përjashtim të Rusisë”, tha Rama.