Deputetja e Partisë Demokratike, Jorida Tabaku, gjatë mbledhjes së Komisionit të Ekonomisë dhe Financave ku ishte i pranishëm Ministri i Financave, ka shprehur kritika të ashpra ndaj projektbuxhetit 2025 të propozuar nga qeveria. Ajo theksoi se qeveria po zhvillon një “pseudobetejë” kundër informalitetit, po godet profesionet e lira dhe shtresën e mesme, po injoron krizën në bujqësi dhe nuk parashikon rritje të pensioneve.
Tabaku vuri në pikëpyetje efektivitetin e fushatës së qeverisë kundër informalitetit, e cila pretendon të mbledhë 10 milionë euro shtesë nga sigurimet shoqërore. Ajo shprehu dyshime se kjo shumë është e pamjaftueshme për të mbuluar deficitin e skemës së pensioneve prej luftës kundër informalitetit, parate nga buxheti per pensionet janë 450 milionë euro kurse të ardhurat nga informalitetit janë 10 mln euro.
“Me cilën llogari i del qeverisë se kjo vlerë do të mbulojë 450 milionë euro që dalin nga buxheti për pensionet? Si del llogaria që kjo fushatë e informalitetit dhe këto 10 milionë euro ekstra do të mbulojnë 450 milionë euro? ” – deklaroi Tabaku.
“Ku ndodhemi me minimumin jetik? A ka ndonjë masë qeveria për sa i takon pensnionit minimal? A ka ndonjë propozim qeveria për pensionin minimal? Apo ky tur është prpapgandë meqë ajo rritja qesharake e pensioneve nuk kënaqi askënd veç qeverisë? Pra minimumi jetik që ka ardhur si propozim ligjor dhe më pas pensionin minimal prej 120 mijë lekësh po njësoj propozim ligjor”, pyeti Tabaku ministrin e Financave.
Teksa foli para disa ditësh për skemën e pensioneve, Rana tha se do të rriten pensionet në mandatin e ardhshëm.
“Tani po përgatitemi dhe po bëjmë llogaritjet. Ne e bëmë bonusin 5 mijë lekë të reja për çdo pensionist. Tani po përgatitemi për një bonus të ri të përvitshëm, që të jetë më i lartë sa ky që është. Ky është hapi i parë që do të jetë i menjëhershëm dhe i përhershëm. Fond që do e lëmë mënjanë për pensionet. Po bëjmë plane për të rritur pensionet brenda mandatit të ardhshëm.”-u shpreh kryeministri Rama para disa ditësh.
Ndërkohë deputetja Tabaku kritikoi ashpër qeverinë për moskthimin e taksës së konsideruar antikushtetuese ndaj profesioneve të lira, pavarësisht vendimit të Gjykatës Kushtetuese. Ajo akuzoi qeverinë për trajtim me dy standarde dhe për goditje të shtresës së mesme.
Tabaku shprehu shqetësim për gjendjen e bujqësisë, duke theksuar se skema aktuale e TVSH-së po falimenton sektorin. Ajo kritikoi Ministrinë e Bujqësisë dhe Ministrinë e Financave për mungesën e veprimeve konkrete për të adresuar këtë çështje.
” Mbeta pa fjalë pasi pashë që Ministria e Bujqësisë dhe Ministria e Financave kanë të njëjtin mendim për skemën e TVSH-së që sot po falimenton bujqësinë. Skema e TVSH-së në bujqësi a do ketë ndonjë ndryshim këtë vit apo jo? Cilat janë politikat e bujqësisë në skemën e TVSH-së? ” – pyeti Tabaku.
Deputetja kritikoi qeverinë për mungesën e rritjes së pensioneve në projektbuxhetin e vitit 2025. Ajo kërkoi sqarime mbi statusin e propozimeve ligjore për minimumin jetik dhe pensionin minimal prej 120 mijë lekësh, të cilat janë ende pa përgjigje. “A ka ndonjë masë qeveria për sa i takon pensionit minimal? Apo ky tur është propagandë meqë ajo rritja qesharake e pensioneve nuk kënaqi askënd veç qeverisë? ” – tha ajo.
Tabaku shprehu zhgënjim për refuzimin e vazhdueshëm të amendamenteve të propozuara nga ajo dhe Partia Demokratike që nga viti 2013. Ajo kritikoi kolegët deputetë që kanë filluar të propozojnë ligje vetëm pak muaj para zgjedhjeve.”Më vjen çudi për ca kolegë që janë kujtuar që ka zgjedhje pas 5 muajsh dhe kanë nisur të propozojnë tani ligje, ” – përfundoi ajo.
gijotina.com/
Discussion about this post