Kryeministri Edi Rama ka mbrojtur ministren e Arsimit Ogerta Manastirliu, kundrejt prindërve që kanë kërkuar dorëheqjen e saj në protestat e zhvilluara javët e fundit pas vrasjes së 14-vjecarit pranë shkollës “Fan Noli” në Tiranë.
“Ministrja ka jo vetëm gjithë mbështetjen time, por kam bindjen se ashtu sikurse ka luajtur një rol në transformimin e sistemit shëndetësor, do të luaj një rol që do jemi falënderues edhe në transformimin e sistemit arsimor”, tha Rama në një aktivitet ku e pranishme ishte dhe Manastirliu.
Rama konfirmoi se TikTok do të mbyllet për një vit në Shqipëri.
“Është rrugaçi i lagjes që ne kemi frikë që fëmija të shoqërohet me të kur del nga shtëpia. TikTok do ta mbyllim për një vit. Kemi bërë hulumtime dhe do të na duhen 6-8 javë duke filluar nga fillimi i janarit dhe për 1 vit plotësisht për të gjithë. TikTok në republikën e Shqipërisë nuk do ketë. Gjatë atij viti do shohim si do veprojnë vendet, çfarë do nxjerrë teknologjia për filtra, si do reagojë vetë TikTok. TikTok është kompani që i ka rrënjët në Kinë, por po të shikosh Tik-Tok në Kinë dhe jashtë Kinës janë dy gjëra të ndryshme. Në kinë promovon se si ruhet natyra. Rrugaçëri, perversiteti, dhunë, bullizëm, krim, thika, nuk sheh në TikTok e kinës, në TikTok jashtë kinës vetëm llum dhe qenëri, çfarë na duhet në kjo”, tha Rama.
Lexo edhe:
Siguria në shkolla/ Manastirliu nuk dorëhiqet, por njofton bllokimin e TikTok-ut
Discussion about this post