Kryeministri Edi Rama do të zhvillojë një mbledhje me drejtuesit e Partisë Socialiste në qarqe. Drejtuesit e të 12-të qarqeve do të jenë në selinë rozë, aty ku pritet dhe të diskutohen disa tema.
Sipas informacioneve bëhet me dije se në mbledhje pritet të diskutohet ecuria e analizës post zgjedhore. Një tjetër pikë që do të diskutohet është dhe ajo e anëtarësimeve të të rinjve në parti.
Ndër të tjera do të diskutohet dhe për fazën e ristrukturimit të Partisë Socialiste, kjo si përgatitje për sfidat e ardhshme zgjedhore.
Pak kohë më parë, Edi Rama njoftoi dhe ndryshimet në qarqe ku drejtuesit politikë u ndryshuan.
Drejtuesit në qarqe:
Fieri – Taulant Balla, Elbasan – Damian Gjiknuri, Vlorë – Arben Ahmetaj, Shkodër – Edona Bilali, Kukës – Elisa Spiropali, Korçë – Niko Peleshi, Durrësi – Ardian Çela, Berat – Bledi Çuçi, Gjirokastër – Mirela Kumbaro, Dibër – Ulsi Manja, Lezhë – Blendi Klosi, Tirana – Erion Veliaj
