Rama mblodhi drejtorët e policisë, Berisha: Darkë elektorale

Kryedemokrati Sali Berisha e ka konsideruar një darkë elektorale atë që po zhvillon kryeministri Edi Rama me drejtorët e policisë në qarqe.

Në një postim në Facebook, Berisha shkruan se kjo darkë po zhvillohet në shkelje flagrante të statusit të Policisë së Shtetit.

Reagimi i Berishës:

Rama darkë elektorale me drejtuesit e policisë! Shkelje flagrante e statusit të Policisë së Shtetit, kodit elektoral. Lexoni denoncimin e oficerit dixhital. Kryeministri Edi Rama ka mbledhur ne nje darke Drejtorin e Pergjithshme te Policise se Shtetit, Muhamet Rrumbullakun dhe te gjithe Drejtoret e Policise ne te gjitha qarqet e vendit. Takimi po zhvillohet aktualisht ne zonen e Bllokut ne vilen nr. 30. Nderkohe i pranishem eshte edhe ministri i brenshem, Bledi Çuçi.