Kryeministri Edi Rama sëbashku me ministret Belinda Balluku dhe Delina Ibrahimaj ka nisur takim me furnizuesit e naftës ku po diskutohet për pasojat e luftës në çmimet e karburantit dhe ndërhyrjen e drejtpërdrejtë të qeverisë.
Në fjalë e tij kryeministri Rama u përpoq të justifikonte rritjen e paprecedentë të çmimeve të naftës nga furnizuesit, duke arritur maximumin e saj në 290 lekë, teksa tha që po përballemi me pasojat e luftës në Ukrainë, që për hir të së vërtetës më shumë po i ndjejmë ne se Kievi.
“Sot është shumë e qartë për të gjithë dhe insistoj se mund të jemi të ndarë në opinione por jemi të bashkuar në fakte. Vendi po përballet me pasojat e një lufte që ka nisur në Europë. Dua muaj më parë u shfaqën simptomat e para të krizës energjetike. Ata që janë më të zëshëm, protestojnë për naftën, por më e rënda është kriza e energjisë që po konsiderohet si pandemia e re. Do e përsëris pafund se e kemi deklaruar që në krye të herës. Tani jemi përballë një krize, e ne do i vëmë një mburojë mbrojtëse. Sot, që ta dëgjojnë të gjithë, nëse çmimi i energjisë do të jetë ashtu siç është sot 550 euro megavat/orë, do të na duhen 640 mln dollarë deri në fund të vitit deri në fund të vitit. Na duhen për të mbrojtur familjarët dhe biznesin e vogël. Është për të qeshur dhe për të qarë se thonë na rregullo naftën”, tha Rama.
I gjendur nën presion nga protestat masive, Rama tha se brenda 48 orëve do të publikojnë masat e reja për menaxhimin e krizës. Një ndër masat e para që njoftoi Rama është krijimi i një bordi për naftën. Sipas kryeministrit asnjë çmim në tregun e naftës nuk do të vendoset pa u miratuar më parë nga ky bord.
Discussion about this post