Kryeministri Edi Rama ka mbajtur një konferencë të përbashkët me ministrin gjerman për Europën, Michael Roth.
Rama theksoi se të gjithë qytetarët duhet të jenë shqiptar kur flasin anglisht, duke shtuar se Shqipërinë e duan në BE herët a vonë, por se kur do ndodhë kjo gjë, është vendim i të tjerëve.
Michael Roth: Vlerat europiane kanë rëndësi themelore. Në Shqipëri ka progres substancial dhe është aritur shumëçka dhe kjo duhet të gjejë vlerësim.
Edi Rama: Është e drejtë bazike themelore lëvizja e njerëzve dhe në këtë rast lëvizja e shqiptarëve të Shqipërisë, që nuk mund të fragmentohet, sepse njëri ka bërë Sputnik, tjetri Astra Zeneca. A mund të merret Shqipëria peng? Politika është lojë shahu, shahu është lojë pengjesh. BE s’duhet të marrë peng asnjë në këtë rajon për shkak të firmës që ka bërë vaksinën. Këtu janë edhe serbët, malazezët, boshnjakët. BE e ka marrë peng Kosovën.
Shqiptarët në Kosovë nuk lëvizin lirshëm, sepse dikush thotë se ai ushtari atje në diagonal nuk duhet të lëvizë, e turpshme, por nuk ke çfarë t’i bësh. Ne na takon të bëjmë punën tonë dhe do përpiqemi ta bëjmë përditë e më mirë. Sherret adoleshente i kemi eksportuar në Europë. Kur flasim anglisht, duhet të jemi shqiptar në radhë të parë. Shqipërinë e duan në BE, ndahen sa shpejt e sa vonë, por nuk është çështja jonë, është e të tjerëve.
