Kreu i Partisë Demokratike, Sali Berisha ka komentuar mitingun e kryeministrit Edi Rama me punonjësit e bashkisë së Tiranës.
Ish-kryeministri e konsideroi atë si miting për të mbrojtur vjedhjet.
“Sot organizojnë miting për të mbrojtur vjedhjen që vetëm në gardërobë arrinte sa e Assadit. Kjo është vetëm aspekti absolutisht më i vogël. Cfarë ishte mitingu i sotëm? Ai ka shumë plane, por në një plan ishte mbrojtja avokatia publike e narkosve të gardërobës të Lajla Asadit të Shqipërisë. Ishte mbrojtja e vjedhjeve përmes kompanive të cilat së bashku nuk bëhen as 1/6 e atyre që Rama ka vjedhur me Veliajn me djegësat, në 5D dhe në shumë afera të tjera”, tha Berisha gjatë një aktiviteti.
Në takimin e zhvilluar në PD me rastin e rrëzimit të shtatores së diktatorit Enver Hoxha, Berisha tha se “kryeministri Rama dallon shumë pak nga babai i tij xhelat, Kristaq Rama.”
Po ashtu, Sali Berisha tha se Rama ka punuar që qytetarët të varfërohen, ndersa thekson se ka zbatuar planin e largimit të shqiptarëve.
“Sot Edi Rama zbatoi platformën më anti shqiptarë, atë të largimit të shqiptarëve nga Shqipëria. Sot ai, vencanërisht mandatin e fundit shpalosi platformën të një Shqipërie pa opozitë, të një Shqipërie ku të gjitha pushtet duhet të ishin në duart e tij, të një Shqipëria që ai burgosi tre liderët e partive opozitare, të një Shqipërie ku krimi elektoral nuk ndëshkohej por amnistohej si licencë për të garantuar mandatin. Në këtë rrafsh Rama dallon shumë pak me babain e tij, që 37 vite më parë firmoste varjen në litar të Havi Nelës, për fajin e vetëm se ai kishte mendime të tjera nga skulptori xhelat Kristaq Rama. Pra Edi Rama punoi dhe u angazhua më të gjithë forcën e tij për një Shqipëri pa opozitë. Kjo është vetëm njëra anë, Edi Rama punoi për Shqipërinë e mjerimit, varfërisë“, tha kreu i PD-së.
Discussion about this post