Kryeministri Edi Rama është pjesëmarrës në samitin e Bratislavës në Sllovaki, lidhur me Ballkanin Perëndimor.
Ashtu si edhe më parë, Rama ka thumbuar Bashkimin Europian lidhur me zgjatjen e procesit të integrimit përsa I takon vendeve të Ballkanit Perëndimor. Madje Kryeministri përdori edhe një batutë për të treguar se sa ka zgjatur ky process, duke kujtuar se kur iu premtua ishte me flokë, ndërsa sot është pa flokë, dhe sërisht vazhdon.
“Ky komunitet europian duhet të nisë të artikulojë në mënyrë reale, jo vetëm si vizion. Por duhet të bëjmë diçka. Ne po avokatojmë gjithmonë e më tepër, dhe po flas për Shqipërinë, por shpresoj që edhe të tjerët të përkrahim atë për të cilën flasim. Tregohen ndryshe për Ballkanin Perëndimor. Nuk duhet të kërkojmë leje drejtimi të makinës pa mësuar si ta drejtojmë këtë makinë me shpejtësi të plotë. Të bëjmë diçka ndryshe.
Nuk është paradhoma e integrimit, është paradhoma e depresionit. Ne e dimë si shkon. Në Selanik Dimitri i kishte të gjithë flokët. Aty u tha se do të ishim në BE para se unë të humbisja flokët e mi. Jemi këtu dy burra pa flokë, sepse ne besuam në këto gjëra. Kemi nevojë të jemi realistë, të hapur dhe të drejtpërdrejtë. Kur them këtë mendoj sa të drejtpërdrejtë janë holandezët kur kanë zgjedhje”, tha Rama.
Discussion about this post